У Дубровенскім раёне знайшлі цела 32-гадовага мужчыны. Паводле папярэдняй версіі, ён падарваўся на зарадзе часоў 2-й сусветнай вайны. На месцы здарэння працуюць следчыя сумесна са спецыялістамі-выбухатэхнікамі Дзяржкамітэту судовых эспертызаў. Папярэднія следчыя дзеянні, якія ўжо праведзеныя, дазволілі высветліць, што загінулы займаўся "чорным капальніцтвам", то бок раскопкай ваенных трафеяй часоў 2-й сусветнай вайны. Пра гэта паведамілі сваякі загінулага, побач з трупам знойдзеныя адмысловыя прыстасаванні для такіх раскопак, узрывальнікі фрагменты боепрыпасаў, а таксама 4 зарады, якія капальнік выняў з зямлі да выбуху.
Як паведамляе ННВ, узбуджана крымінальная справа па частцы 2 артыкулу 295 - "Незаконныя дзеянні з боепрыпасамі і выбуховымі рэчывамі".
