Следчыя высвятляюць усе акалічнасці гібелі 32-гадовага мужчыны, які падарваўся на снарадзе. Ён быў так званым "чорным капальнікам". Канфіскаваныя выбухованебяспечныя аб'екты, выяўленыя на месцы. Сапёрна-піратэхнічнай групай былі прыняты ўсе неабходныя меры бяспекі перад пачаткам агляду месца здарэння.
Першапачатковымі следчымі дзеяннямі і аператыўна-вышуковых мерапрыемствамі ўстаноўлена, што загінулы захапляўся раскопкамі трафеяў часоў ВАВ. Пра гэта сведчаць паказанні сваякоў загінулага, а таксама выяўленыя на месцы здарэння спецыяльныя прыстасаванні для раскопак, а таксама раскапаныя загінулым 4 боегалоўкі ад снарадаў, узрывальнікі, фрагменты боепрыпасаў часоў Вялікай Айчыннай вайны.
Дубровенскім раённым аддзелам Следчага камітэту распачата крымінальная справа па ч. 2 арт. 295 (незаконныя дзеянні ў дачыненні да боепрыпасаў і выбуховых рэчываў) Крымінальнага кодэксу Рэспублікі Беларусь.
Следчыя Дубровенскага РАСК ужо завяршылі працу на месцы здарэння, інфармуе сайт Следчага камітэту. Канфіскавана каля 70 адзінак боепрыпасаў часоў Вялікай Айчыннай вайны. Праца па крымінальнай справе працягваецца.
