Рэспубліканскія СМІ паведамляюць пра тое што Беларусь у аднабаковым парадку ўзмацніла кантроль на мяжы з Расіяй. Па факту кантроль узмоцнены не толькі на самой мяжы, але і аўтадарогах якія вядуць з Расіі да нашых гарадоў. Як вынік падвышэння пільнасці - большая колькасць затрыманых і канфіскаваных тавараў.
Так, у сярэдзіне дня 7 снежня На дарозе Дуброўна-Ляды быў затрыманы "Мэрсэдэс-Бэнц" пад кіраваннем 41-гадовага жыхара Гродненскай вобласці. Без адпаведных дакумантаў ён правозіў з Расіі рыбную прадукцыю і кандытарскія вырабы на суму больш як 87 мільёнаў рублёў.
8 снежня на той жа дарозе затрыманы "Фольксваген" пад кіраваннем 33 гадовага мужчыны. У яго канфіскавана 3.292 кілаграмы рыбнай прадукцыі і 675 кілаграмаў полуфабрыкатаў. Агулам канфіскаваны груз ацэнены на суму 55 мільёнаў рублёў.
У той жа дзень на Алімпійскай трасе (М1) каля вёскі Хлюсціна быў затрыманы магілеўчанін, які перавозіў 400 літраў дызельнага паліва.
Днём 9 снежня ў Ліозненскім раёне быў затрыманы жыхар Аршанскага раёну на аўтамабіле "Газ". Без патрэбных дакумантаў ён перавозіў 11 цялтаў. Па словах затрыманага ён ведаў, што Дубровенскі раён патрулюецца мацней чым звычайна і паехаў праз Ліозна. Асноўнае парушэнне якое яму прад'яўляецца - адсутнасць ветэрэнарнага пасведчання для жывёлы.
Вечарам таго ж чысла на трасе М1 каля вёскі Засценкі Дубровенскага раёну затрыманы гамельчанін, які перавозіў 900 літраў дызельнага паліва.
