Перад пачаткам лялечнага спектаклю перад публікай выступіў краязнаўца Алесь Шутаў. Ён каротка распавёў пра тое, што 13 снежня гэтага году спаўняецца 394 гады з моманту калі Орша атрымала магдэбурскае права. Хаця, адзначыў выступоўца, яшчэ да таго ў Оршы былі свае законы якімі горад кіраваўся асобна ад цэнтральных уладаў Вялікага княства і Рэчы Паспалітай. Магдэбурскае права гэтае самакіраванне зацвердзіла і пашырыла.
Пасля экскурса ў гісторыю самакіравання, прысутныя ахунуліся ў гісторыю тэатральную. Адноўленая па старажытных традыцыях адзіная ў нашым рэгіёне батлейка разлічана, перш за ўсё, на дзяцей, але сёння ў залі прысутнічалі пераважна дарослыя. Узроставая розніца паміж мэтавай аўдыторыяй і рэальнай не стала праблемай. Нават, людзі пенсійнага ўзросту глядзелі спектакль з усмешкамі.
Прапануем нашым чытачам два кароткіх відэа з прэзентіацыі батлейкі.
На відэа: песня пра ветлівыя словы
На відэа: песня пра лес
