Выступ знакамітага спевака ўваходзіў у шэраг мерапрыемстваў прысвечаных дню народзінаў Уладзіміра Караткевіча і павінен быў адбыцца ў музеі пісьменніка сёння. Адпаведна і песні якія мусілі выконвацца на канцэрце планаваліся пераважна на тэксты Уладзіміра сямёнавіча.

Але ўчора стала вядома, што канцэрту не будзе. Паводле словаў аднаго з арганізатараў мерапрыемства, забарона канцэрту гэта ініцыятыва не нашых чыноўнікаў ад культуры, такі загад маглі спусціць толькі больш высокае кіраўніцтва. Тым больш што каля тыдня таму, таксама за дзень на планаванага чысла, такі ж канцэрт быў забаронены па загадзе з аблвыканкаму ў Полацку. Тады аднаго з арганізатараў полацкага канцэрту, нават, паабяццалі звольніць з пасады.

У Оршы сітуацыя адбылася падобная. Першапачаткова аніякіх праблемаў з выступам Вайцюшкевіча не было, але нечакана ўчора арганізатарам паведамілі пра немагчымасць правядзення мерапрыемства. Раней Зьміцер неаднаразова выступаў на розных пляцоўках нашага гораду.

Супрацоўнікі музея спадзяюцца, што ў будучым пасля некаторых працэдураў узгаднення канцэрт усё ж такі адбудзецца.

Замест канцэрту, для людзей якія прыйдуць, работнікі музею тэрмінова падрыхтавалі іншую праграму з чытаннем вершаў і праглядам кіно прысвечанага Караткевічу.

Нагадаем, што вясной 2011 года Зьміцер Вайцюшкевіч з шэрагам іншых папулярных беларускамоўных выканаўцаў патрапіў у так званы "чорны спіс". Музыкаў з гэтага спісу забаранялася трансляваць па тэлебачанні і радыё, а таксама чыніліся перашкоды для іх канцэртнай дзейнасці.

На відэа: адзін з кліпаў Зьміцера Вайцюшкевіча