Гітарыст, а сёння яшчэ і вакаліст легендарнага N.R.M. прыехаў не адзін. Разам з Пітам у Оршу прыехаў бубнач N.R.M. Алезіс Дземідовіч.
Як распавёў Паўлаў, за ўсё жыццё ён паўдзельнічаў у стварэнні як мінімум 20 розных альбомаў, але асноўная слава прыйшла менавіта з гуртамі "Мроя" і N.R.M. Такія творчыя сустрэчы якія праходзяць зараз па ўсёй краіне дазваляюць паказаць сябе гледачу не з аднаго толькі боку, а зрабіць зрэз творчасці.
Менавіта таму пачаў Піт Паўлаў з песень прысвечаных творчасці польска-беларускага пісьменніка Сяргея Пясецкага, пазней перайшоў да фальклорных і "псеўда-фальклорных" песень і толькі напрыканцы музыкі выканалі рэпертуар з новага альбома N.R.M "Д.П.Б.Ч.". Прыводзім відэа некаторых песень з сустрэчы.
На відэа: Піт Паўлаў "Залаты сезон", песня па творчасці Сяргея Пясецкага
На відэа: Піт Паўлаў "Нешта ў садзе бялеецца", фальклорная песня
На відэа: Піт Паўлаў "Прамень", з новага альбому N.R.M.
На відэа: Піт Паўлаў "Тры чарапахі", з ранейшых альбомаў N.R.M.
