Суботнім вечарам 6 чэрвеня для жыхара Барані адпачынак на возеры Шчацінкаўскім ледзь не скончыўся трагедыяй. Хлопец даволі далёка адплыў ад берага, калі зразумеў, што назад можа не выплысці і пачаў клікаць на дапамогу. На яго шчасце на беразе ў гэты час адпачывала кампанія. Тры мужчыны з кампаніі кінуліся ў ваду, каб дапамагчы тапельцу, іншыя ў гэты час пачалі выклікаць экстраныя службы. Пакуль МНС і міліцыя прыехалі на возера, мужчына быў ужо ў бяспецы.
Па словах яго выратавальнікаў, мужчына быў на падпітку, ад шпіталізацыі адмовіўся. Замест медычнай дапамогі, мужчына абраў транспартную - тая ж кампанія падвезла яго да дому ў Барані. Нядаўна падобны выпадак з выратаваннем выпіўшага купальца адбылася і ў Коханава.
