Адна з частак выставачнай залі музея Караткевіча была пераабсталявана пад імправізаваную актавую залю. Колькасці сядзячых месцаў усім ахвотным папрысутнічаць не хапіла - шмат хто стаяў, а некаторыя і не змаглі ўвайсці.
Распачала адкрыццё з уступнага слова дырэктарка музея, яна каротка распавяла пра ідэю выставы - сабраць сродкі на рэстаўрацыю помніка архітэктуры і распавяла біяграфію мастака.
Наступным слова ўзяў сам Мікалай Мікалаевіч Купава. Каротка распавёўшы пра саму выставу і прадстаўленыя карціны ён заклікаў усіх людзей далучацца да справы адраджэння Базылянскага манастыра. Напрыканцы выступу Мікалай Мікалаевіч падарыў музейнаму комплексу Аршаншчыны сваю карціну "Вязынка", якая адправілася ў фонды комплексу.
Найбольш сваім выступам парадаваў дырэктар музейнага комплексу Аршаншчыны Уладзімір Васільевіч Кузубаў, акрамя асноўных прывітальных словаў і падарункаў, Уладзімір Васільевіч паведаміў, што спонсар, які пажадаў застацца невядомым, пагадзіўся выкупіць карціну "Вялікі гетман Канстанцін Астрожскі" і перадаць яе ў фонды музейнага комплексу.
Улічваючы кошт карціны, тую частку якую мастак перадасць на рэстаўрацыю і сродкі якія былі сабраныя ў скрыню для ахвараванняў, агульная колькасць сродкаў, якія сабраныя на рэстаўрацыю за першыя гадзіны работы выставы - больш за 700.000 рублёў.
Працаваць выстава будзе да 28 ліпеня.
На фота: адкрыццё выставы
На фота: выступае Мікола Таранда
На фота: Вольга Міхайлаўна Пашкевіч
На фота: Уладзімір Васільевіч Кузубаў
На фота: Мікола Купава прэзентуе карціну музейнаму комплексу гісторыі і культуры Аршаншчыны
На фота: Уладзімір Кузубаў прымае карціну ў падарунак
На фота: у выставачнай залі
На фота: карціна падораная Міколам Купавам музейнаму комплексу
На фота: карціна, якая набытая невядомым спонсарам для музейнага комплекса
