Аліна Талай выступіць на чэмпіянаце свету па лёгкай атлетыцы ў кітайскім Пекіне. Турнір пачнецца 22-га жніўня. Беларуска загадзя адпраўлялася ў кітайскую сталіцу на самалёце з Аўстрыі, у якой зараз трэніруецца. Яна ехала разам са сваім трэнерам Філіпам Уінфрыдам, аднак па дарозе ў аэрапорт машына зламалася. У экстрэных умовах спартоўка і трэнер справіліся з задачай і пачынілі аўтамабіль, паспеўшы на рэйс у Кітай. Сама Аліна на сваёй старонцы ў фэйсбуку падзялілася фатаграфіяй з месца падзей і сваімі эмоцыямі.
Шмат разоў чула пра падобныя гісторыі, але не думала, што гэта можа адбыцца і са мной. Вось так мы з трэнерам ехалі ў аэрапорт. Вядома, мы далёкія ад механікаў формулы-1, але справіліся даволі хутка і ўсё-ткі паспелі на рэйс.
