У першым туры ў Магілёве зборная Румыніі нанесла буйную паразу камандзе Латвіі з лікам 8:0. Зборная Беларусі ў Оршы змагалася з камандай Даніі. У першым тайме скандынаўкі забілі два мячы і, здавалася б, лёс паядынку вырашаны. Аднак у другім тайме беларускі рэзка ўскруцілі тэмп і сталі гуляць куды мацней. Замены дадалі камандзе фізічнай магутнасці, якой так не ставала ў першай палове сустрэчы. У выніку Вікторыя Казакевіч адквітала адзін мяч. У датчанак і беларусак былі магчымасці забіць яшчэ, але імі футбалісткі не скарысталіся. 2:1.
На Гарадскім стадыёне Оршы прысутнічала больш за 1000 гледачоў, большасць з якіх - вучні школаў, прыведзеныя пасля ўрокаў. Наступны матч беларускі зноў правядуць у Оршы на Гарадскім стадыёне 17 верасня. У суперніцах - каманда Румыніі, пачатак сустрэчы а 16-й гадзіне.
