Кандыдат у прэзідэнты Беларусі Таццяна Караткевіч у сваім шчыльным графіку перадвыбарных сустрэч знайшла час наведаць футбольны матч. Прычым наведала гульню 1-й лігі "Крумкачы" - "Орша", што было нечакана. Таксама Караткевіч адказала на некалькі пытанняў, зададзеных ёй прадстаўніком "Крумкачоў".
- Як вам гульня?
- Добра, добра! У мяне сын займаўся футболам, мне заўсёды падабалася адчуваць сябе заўзятарам. Калі назіраеш, глядзіш, заўзееш. Выдатна, малайцы, "Крумкачы"! У вас маладая каманда, супер! Гэта правільна. Вельмі шмат скардзяцца, што не хапае канкурэнцыі ў футболе, няма умоў. Так што з'яўленне новых клубаў - гэта вельмі выдатна. Гэта насуперак. Сапраўды гэтак жа, як кандыдаты ў прэзідэнты - гэта насуперак. Іх мочаць, а яны з'яўляюцца. Павінна жыццё перамагаць. Хочаш - трэба рабіць. Тым больш, што вы перамагаеце. І раней, і цяпер вось 2:1. Малайцы!
