У турніры прымаюць удзел 12 каманд з Беларусі і Расеі. Ад Беларусі гуляюць каманды ўсіх абласцей, апрача Гомельскай, а таксама дружына Фрунзенскага раёна г.Менска. Гонар Расеі адстойваюць каманды Архангельскай, Валагодскай, Ленінградскай, Пскоўскай абласцей, а таксама рэспублік Татарстан і Башкартастан. Розніца ў класе паміж некаторымі юнацкімі камандамі досыць вялікая, таму сапраўдная барацьба бачная не ў кожным матчы. Напрыклад, каманда Магілёўскай вобласці была разгромленая прадстаўнікамі Архангельскай вобласці Расеі 0:13.
Парадаваць сябе можна не толькі хакеем, але і кірмашом. Перад уваходам на арэну прадаюцца саджанцы розных сельскагаспадарчых культураў, а ўсярэдзіне ў калідорах знаходзяцца павільёны розных прадпрыемстваў, дзе можна набыць разнастайныя сувеніры, а таксама прадукты харчавання.
