У першым туры дывізіёну Б чэмпіянату Беларусі па валейболе "Узлёт" перамог гарадзенскі АСДзЮШАР-"Камунальнік". Аршанскія хлопцы двойчы бралі верх з лікам 3:0. Наталля Лобчанка, якая ўзначальвае "Узлёт", пракаментавала ўдалы старт калектыва:
Тое, што гэта быў дэбют, паўплывала і на нас, і на супернікаў. Гульня была нервовая, з вялікай колькасцю памылак. У нас яшчэ шмат не атрымліваецца, але тое, што мы перамаглі ў стартавых матчах - гэта вельмі важна і для псіхалогіі, і для далейшай матывацыі. Чэмпіянат пройдзе ў два колы, таму цана памылак узрастае ў разы, адпаведна, на кожны матч трэба выходзіць, як на рашаючы.
