Бронзавы прызёр чэмпіянату свету ў бар'ерным бегу, двухразовая чэмпіёнка Еўропы беларуска Аліна Талай прызначаная Саветам ІААФ (Міжнароднай федэрацыі лёгкай атлетыкі), якія праходзілі ў Манака, у склад камісіі спартоўцаў. У яе ўваходзяць 18 знакамітых лёгкаатлетаў нядаўняга мінулага і дзеючыя спартсмены. Ураджэнка Оршы будзе прадстаўляць у кіраўніцтве ІААФ не толькі Беларусь, але і ў цэлым Еўропу на працягу трох гадоў (2016-2019).
Разам з Талай у склад камісіі ўведзены чэмпіён Алімпійскіх гульняў і свету, рэкардсмен планеты ў дзесяцібор'і і сямібор'і Эштан Ітан (ЗША), двухразовы алімпійскі і чатырохразовы чэмпіён свету ў стыпль-чэзу Эзекіль Кембой (Кенія), двухразовая чэмпіёнка свету ў скачках з шастом Фабіяна Мюрер (Бразілія), рэкардсменка свету ў марафонскім бегу Пола Рэдкліф (Вялікабрытанія), двухразовы пераможца Алімпіяд і чэмпіянатаў свету ў эстафеце 4х100 метраў Майкл Фрэйтэр (Ямайка).
