З'явіўся праект календара аўтамабільных спаборніцтваў на наступны год. У 2016 годзе Орша на трасе "Куцеенка" прыме два турніры. З 25 па 26 чэрвеня ў нашым горадзе адбудзецца 4 этап чэмпіянату і першынства Беларусі па аўтамабільным кросе. І неўзабаве, ужо 2 і 3 ліпеня ў Оршы адбудзецца раллі-крос. Зрэшты, у выпадку пэўных зменаў, раллі-крос могуць правесці ў адну дату з аўтакросам, у канцы чэрвеня.
Акрамя нашага горада прымаць аўтамабільныя спаборніцтвы, а сюды ўваходзяць не толькі аўтакрос і раллі-крос, але і раллі-спрынт, дрыфтынг, дрэг-рэйсінг, раллі-рэйд, джып-трыял, картынг, аўтамабільнае хуткаснае манеўраванне, кальцавыя гонкі. Прымаць разнастайныя спаборніцтвы будуць Навалукамль, Віцебск, Гародня, Менск, Лепель, Барысаў, Браслаў, Вушачы, Гомель, Берасце, Быхаў, летувіскі Зарасай, расейскі Пскоў.
