Апублікаваны рэгламент міжнароднага шахматнага турніру "Орша-2016", які штогод адбываецца ў нашым горадзе і даўно стаў прыемнай традыцыяй. Сёлета шахматысты зноў збяруцца ў Лядовай арэне. Рэгістрацыя ўдзельнікаў будзе адбывацца 24 студзеня да 17-00 у Лядовай арэне (вул. Леніна, 79), урачыстае адкрыццё пачнецца а 18-00 у Гарадскім цэнтры культуры (вул.Леніна, 27). Плануецца, што на турнір, акрамя беларускіх майстроў з розных гарадоў, прыедуць шахматысты з Украіны, Латвіі, Літвы, Малдовы, Швецыі, Узбекістана, Арменіі, Расеі, Польшчы, Азербайджана, Эстоніі і іншых краінаў.
Заяўкі на ўдзел у спаборніцтвах прымаюцца на адрас: [email protected]. Пацвердзіць свой удзел трэба да 24 снежня па тэлефоне +375 29 - 718 - 59 - 92 (Жукаў Мікалай Васільевіч).
