Павал Супаненка раней вядомы як малады хіп-хоп выканаўца прэзэнтаваў свой першы відэа-ролік. Твор быў адмыслова створаны для конкурса "Першы крок" - першага беларускамоўнага он-лайн конкурса відэаролікаў. У конкурсе ўдзельнічаюць не прафесійныя рэжысёры, аператары і акторы - іх месца ў журы. Пры гэтым, усе ролікі павінны матываваць гледачоў да чагосці. Ролік Паўла матывуе людзей пачаць вучыць беларускую мову. Конкурсам прадугледжана вызначэнне пераможцаў па версіі журы і па версіі гледачоў шляхам он-лайн галасавання, якое пройдзе з 19 па 22 снежня.
Прыводзім вашай увазе ролік цалкам.
Сям'я Супаненкаў жыла ў Оршы да 2001 года. Бацька сям'і - маёр супрацьпаветранай абароны быў адным з немногіх беларускіх афіцэраў які ў жыцці і на службе размаўляў па-беларуску. У 2001 годзе сям'я пераехала ў Мінск, Павал паступіў у гуманітарны ліцэй імя Якуба Коласа. Пасля скандальнага закрыцця навучальнай установы як і многія іншыя ліцэісты працягнуў навучацца ў "падпольным ліцэі". Тут жа заняўся ліцэйскімі музычнымі праэктамі. Аўтар і выканаўца некалькіх хіп-хоп кампазіцый у праэктах "Ліцэй", "Веру ў цябе!". Аўтар хіта палітычных акцый пратэсту 2006 года "Не!". Вышэйшую адукацыю атрымаў у Польшы.
