Некалькі аварыяў адбылося ў рэгіёне ў першыя сакавіцкія суботу-нязелю. У суботу 5-га сакавіка ў Барані каля абеду сутыкнуліся дзве легкавушкі. Адна з іх - віноўнік аварыі - выязжала заднім ходам з паркоўкі каля Еўраопта. Кіроўца не заўважыў, што на дарозе, куды ён выязжаў, у гэты час стаяла іншая легкавушка, якая прапускала пешаходаў на пераходзе. У выніку сутыкнення абодва аўтамабіля атрымалі нязначныя пашкоджанні.
Больш не пашанцавала іншай легкавушцы - мінівэну, якая вечарам таго ж дня ехала ў Оршы па вуліцы Ціміразева ў раёне Чыгуначнага тэхнікума. Аварыя адбылася каля 20 гадзін вечара. Падобна на тое, што аўтамабіль спускаўся з маста праз чыгунку на даволі вялікай хуткасці і кіроўца не звярнуў увагу на ляжачага паліцэйскага, размешчанага на дарозе. У выніку, аўтамабіль моцна падкінула на штучнай няроўнасці і выкінула з дарогі ў прыватны агарод. Аўтамабіль знёс частку плоту (на фотаздымку плот ужо адноўлены на наступную раніцу) і ўрэзаўся ў вішню. Калі б не дрэва, аўтамабіль мог уляцець і ў дом.
У надзелю днём, каля 13 гадзін, на аўтобусным прыпынку, які ў народзе называюць "Купец" (па назве крамы на вуліцы Міра), маршрутнае таксі, якое рухалася па маршруту №14 у бок вакзала ўрэзалася ў легкавы аўтамабіль. Па нашай інфармацыі, пацярпелых няма, аўтамабілі атрымалі некаторыя пашкоджанні.
