12 сакавіка аршанцы згулялі з дублем наваполацкага "Нафтана" і перамаглі 3:1. Цяпер наперадзе сустрэча з асноўным складам гэтай каманды. Матч "Нафтан" - "Орша" адбудзецца 16-га сакавіка ў Наваполацку на штучным полі стадыёна "Атлант". Пачатак гульні а 14:00.
Напярэдадні "Нафтан" згуляў таварыскі матч з расейскім "Псковам-747", у матчы была зафіксаваная нічыя 0:0. Матч з "Оршай" стане для "Нафтана" генеральнай рэпетыцыяй гульні 1/4 фіналу Кубка Беларусі супраць бабруйскай "Белшыны", якая адбудзецца на "Атланце" 20-га сакавіка.
У мінулым чэмпіянаце Беларусі ў Вышэйшай лізе "Нафтан" набраў 30 пунктаў у 26 турах і заняў 9-ю пазіцыю сярод 14 каманд.
Игорь
Вот он момент истины! Удачи ФК Орша!!!