Паводле зводак міністэрства унутраных спраў, злачынства адбылося ў ноч з 22 на 23 мая ў вёсцы Ламачына. Ноччу ў дом пажылой сям'і (мужу 81 год, жонцы 86) прабраліся невядомыя ім маладыя людзі. Адзін са злачынцаў а 1 гадзіне ночы разбіў вакно на верандзе, выбіў уваходную дзвер і праз яе ўся злачынная троіца зайшла ў дом. Пасля чаго над пенсіянерамі пачаўся адкрыты здзек. Маладыя людзі, патрабуючы аддаць ім грошы, збівалі 86-гадовую жанчыну на вачах у мужа. А яму пагражалі прадметам падобным на пісталет. Пенсіянеры не вытрымалі і аддалі нападнікам 10 мільёнаў рублёў. І калі а 1-30 злачынцы сыйшлі, пазванілі ў міліцыю.
Супрацоўнікі міліцыі па гарачых слядах знайшлі злачынцаў, якія ўжо паспелі патраціць частку нарабаванага. Злачынцамі аказаліся раней судзімы 20-гадовы жыхар вёскі Заслонаўка, раней судзімая 23-гадовая жыхарка вёсцы Стар і 24-гадовы жыхар Оршы.
