У суботу, 28 траўня стартуе чэмпіянат Віцебскай вобласці па футболе. "Барань" у гасцявым матчы згуляе з камандай "Прамень" з Гарадка. Талачынская "Ніва" прыме віцебскі "Газавік", а сенненскі "Камунальнік" (раней каманда называлася "Будаўніком") на сваім полі згуляе з "Бешанковічамі". Дубровенскае "Дняпро" прапускае тур з-за няцотнай колькасці каманд у групе "Б" чэмпіянату.
Сенненцы, як адна з наймацнейшых каманд Віцебшчыны апошніх гадоў і дзейны чэмпіён вобласці, выпусцілі цікавы прома-ролік на пачатак сезону. У відэа ўвайшлі многія запісы галоў мінулага сезону, некаторыя з іх атрымаліся вельмі прыгожымі. Акрамя таго, на відэа ёсць і арыгінальнае святкаванне голу ў выкананні футбалістаў з Сянна. Прыемна, што ролік аформлены па-беларуску.
