У матчы чарговага туру чэмпіянату Віцебскай вобласці па футболе "Барань" сустракалася з дубровенскім "Дняпром". Дубровенцы распачалі чэмпіянат вельмі няўдала, прайграўшы ўсе чатыры паядынкі на старце. У Барані ў іх была надзея на гасцявы поспех і першую перамогу ў сезоне. Упартая барацьба, змаганне ад пачатку да канца прынесла поспех "Барані" 5:3! Дубровенцы працягваюць непрыемна здзіўляць сваіх прыхільнікаў, а вось каманда Барані заваявала ўжо другую перамогу ў чэмпіянаце, раней бараньцы перамаглі ў гасцях "Бешанковічы".
У іншых матчах сенненскі "Камунальнік" здабыў важную нічыю ў цэнтральным матчы ў гасцях з віцебскім "Газавіком" 1:1. Талачынская "Ніва" нечакана вельмі ўпэўнена разабралася з "Бешанковічамі" 5:1.
Сенненскі "Камунальнік" апярэджвае віцебскі "Газавік" па дадатковых паказчыках і займае першае месца ў турнірнай табліцы.
