Беларусь, Палітыка

Дабрыніна зноў на пасадзе

14.10.2016 19:33

3727 праглядаў, 17 каментароў

Людміла Дабрыніна заняла тую ж пасаду, што і ў мінулым скліканні парламента

На сваім паседжанні 13-га кастрычніка парламентарыі Палаты прадстаўнікоў абралі кіраўнікоў парламенцкіх камісіяў. Сярод дэпутатаў якія былі прызначаныя па Аршаншчыне, у спіс старшыняў патрапіла толькі дэпутат па Аршанскай гарадской акрузе Людміла Дабрыніна. Як і ў мінулым скліканні яна безальтэрнатыўна была прапанаваная на пасаду старшыні камісіі па бюджэце і фінансах. Асаблівасць гэтага склікання, што дэпутаты парламента пачалі галасаваць і супраць. Так, са 109 дэпутатаў, якія прынялі ўдзел у галасаванні па гэтым пытанні, двое прагаласавалі супраць. Хаця гэта не самы горшы вынік. Больш за ўсіх галасоў супраць (7 галасоў) сабраў Леанід Цупрык - старшыня камісіі па дзяржаўным будаўніцтве, мясцовым самакіраванні і рэгламенце.