Рэгіён, Спорт

У Міхневіч забралі срэбра

02.12.2016 13:22

2904 прагляду, 0 каментароў

Наталля Міхневіч (Харанэка) пазбавілася срэбранага медаля Алімпіяды ў Пекіне. Прычына — допінг.

Непрыемныя навіны прыйшлі ў Беларусь з Міжнароднага алімпійскага камітэта і Ўсясветнага антыдопінгавага агенцтва. Адразу шэраг беларускіх спартоўцаў дыскваліфікаваны і пазбаўлены медалёў Алімпіядаў у Пекіне-2008 і Лондане-2012. У лік дыскваліфікантаў трапіла і Наталля Міхневіч (да шлюбу Харанэка) з вёскі Высокае Аршанскага раёна. Яе пекінскую допінг-пробу размарозілі і пераправерылі на допінг. У прабірцы знайшлі метандыенон і станазалол, які, як высветлілася, прымала спартоўка. Такім чынам, Наталля Міхневіч пазбаўлена срэбранага медаля ў штурханні ядра на Алімпійскіх гульнях у Пекіне.