Прынамсі, у некалькіх транспартных здарэннях, якія адбыліся 28-га снежня вінаваты зноў слізкія дарогі. так, дарога на Андрэеўшчыну на некаторы час атрымалася перакрытай, бо на Кабыляцкую гару не змог з першага разу заегаць бальшагруз, ён застраў на дарозе з-за чаго справакаваў невялікі затор.
Вечарам таго ж дня на ўездзе на мест праз Аршыцу па вуліцы Міру ў прыцірку сутыкнуліся легкавушка і грузавік МАЗ з платформай для перавоза транспарту. Падобна на тое, што галалёд у дадзеным выпадку не прычым - кіроўца легкавіка спрабаваў не зусім правільна абагнаць МАЗ. У МАЗа пашкоджаны фары, а легкавік абадраў сабе бок.
Каля 13 гадзін 29-га снежня аварыя з удзелам легкавушкі і грузавіка адбылася на скрыжаванні вуліцаў Леніна і Караткевіча. З-за гэтай аварыі паварот на Караткевіча быў на некаторы час заблакаваны.
А на вуліцы Ціміразева сутыкнуліся мікрааўтобус і легкавік. Як паведамляюць сведкі здарэння, мікрааўтобус ўехаў ззаду ў легкавушку з-за чаго легкавік выляцеў у прыватны агарод, праламаўшы плот, а мікрааўтобус урэзаўся ў слуп.
