Не зусім звычайнае злачынства адбылося ў Менску. Як паведамілі ў Фрунзенскім РАУС Менска, злодзей з Оршы скраў аўтамабіль аднаго з банкаў сталіцы. Кіроўцу дазволілі ставіць яго ў сваім двары, а на раніцу той машыны ў двары не ўбачыў. Пазадарожнік “Таёты Лэнд Крузэр” знікла. Аказалася, што яе скраў 58-гадовы жыхар Оршы. Ён адразу ж адправіўся на іншамарцы з Менска ў Оршу і схаваў аўтамабіль у гаражы суседа, які нават не падазраваў пра крымінальную камбінацыю. Затым злодзей меў намер прадаць машыну ў Расеі.
Машына выбіралася злачынцам нездарма, не на ўдачу. Калі яе адшукалі ў аршанскім гаражы, на ёй ужо былі не беларускія, а расейскія нумарныя знакі. Выявілася, што гэтыя знакі ў свой час былі знятыя з машыны, даўно выкрэсленай з уліку. Сусед злачынцы нават не ведаў, што машыну абвясцілі ў розшук. “Таёту” ацанілі ў 67 тысяч рублёў, пачата крымінальная справа па частцы 4 артыкула 205 Крымінальнага кодэксу РБ. Злодзею пагражае пазбаўленне волі ад 3 да 12 гадоў з канфіскацыяй маёмасці. Раней аршанец ужо прыцягваўся да крымінальнай адказнасці, яго асудзілі за падробку дакументаў.
