У хатнім матчы 1-й лігі чэмпіянату Беларусі "Экамол" з Аршанскага раёну на пляцоўцы СДзЮШАР №2 выйграў у каманды МКК-"Глыбокае" 8:5. Тры мячы запісаў на свой рахунак Скарацін, па два забілі Івулін і Хоміч, яшчэ адзін правёў Жалезнікаў.
З 10 матчаў "Экамол" выйграў 9 і толькі ў 1-м саступіў. Наша каманда мае 27 балаў і на адзін пункт адстае ад баранавіцкага "Лакаматыва". Але ў суперніка згуляна на адзін матч больш.
У бліжэйшыя выходныя "Экамол" адправіцца ў Менск на матч з мясцовым клубам "Фрунзенец", які займае апошняе месца ў дывізіёне.
