Пасля набыцця краінай незалежнасці, у Оршы (як і пад час існавання СССР) была поўная катастрофа з таксі - існавала толькі кепска працуючая на старых "Волгах" дзяржаўная служба і нелегальныя перавозчыкі. Але ў пачатку 2000-х літаральна за некалькі год у горадзе з'явілася адразу некалькі моцных гульцоў на рынку індывідуальных перавозак. Частка з іх ужо, не вытрымаўшы канкурэнцыі, закрылася. Іншыя пайшлі на зніжэнні коштаў, вялікія затраты на рэкламу, зніжкі, конкурсы і г.д. Здавалася б, рынак насычаны і з'яўлення новых фірмаў таксі чакаць не варта да сур'ёзных пераменаў у эканоміцы.
Нечакана, у пачатку 2017-га года ў Оршы з'явілася яшчэ адна служба таксі пад назвай "Апельсін". На сённяшні дзень, у службе толькі 5 машынаў, адзін мінівэн і дыспетчарская служба з кароткім нумарам 7055. Фірма пазіцыянуе сябе як даволі танная і з вялікай колькасцю акцый. Пасадка у 7055 каштуе 1,5 рублі, пры гэтым абяццаецца нейкі падарунак. Пры выкліку таксі праз дыспетчара можна атрымаць зніжку ў 20%, а кожная 10-ая паездка для кліента будзе бясплатнай.
