Пра гэта паведамляе афіцыйны сайт "Следчага камітэту", следства якое ішло з 30 ліпеня, нарэшце, скончана і справа перадаецца ў суд. Па меркаванні следчых справа выглядала наступным чынам:
Два знаёмых, адзін з якіх 22-гадовы гаспадар кватэры, дзе ўсё і адбылося выпівалі. Як гэта часта бывае, па п'яні адбылася сварка, якая перарасла ў кароткую бойку. Бойка была кароткая, бо маладзён адразу вырашыў скарыстацца дапаможнымі сродкамі - гваздадзёрам. На суперніка пасыпалася вялікая колькасць удараў, частка з якіх пашкодзіла жыццёваважныя органы. Субутэльнік памёр на месцы сваркі, кропку ў яго жыцці паставіў удар гваздадзёра ў галаву.
Спужаўшыся адказнасці за здарэнне, малады забойца паспрабаваў схаваць цела. Ён завярнуў цела ў дыван і ў такім выглядзе хацеў вынесці яго з дому, але алкаголь у крыві забойцы і вага забітага дазволілі дацягнуць труп толькі да выхада з кватэры. Даволі хутка маладзён быў затрыманы міліцыяй і з тае пары знаходзіўся пад вартай.
