Орша, Здарэнні

Пры затрыманні праглынуў метадон

17.02.2017 21:03

3957 праглядаў, 6 каментароў

47-гадовы наркаман на вачах міліцыі праглынуў фальгу з метадонам.

Наркаман са стажам, як паведамілі ў Аршанскай пракуратуры, больш за 10 гадоў правёў у месцах пазбаўлення волі, а з моманту папярэдняга тэрміну гуляў на волі ўсяго год. Асуджалі яго за крадзеж, рабаванне, захоўванне і распаўсюд наркотыкаў. Пры прыбыцці супрацоўнікаў міліцыі наркаман праглынуў фальгу з метадонам у ёй. Наркатычны сродак у памеры 0,19 грамаў быў выняты са страўніка мужчыны ў бальніцы пры панятых. Яшчэ 0,46 грама метадона знайшлі ў мужчыны дома. Ён прызнаў сваю віну і раскаяўся. Быў асуджаны на 2 гады, пройдзе прымусовае лячэнне ад наркатычнай залежнасці.