Як мы паведамлялі раней, 21-га чысла на вуліцы Шклоўскай на ўчастку дарогі паміж мясакамбінатам і могілкамі, практычна, у лабавую сутыкнуліся два легкавых аўтамабілі. Як жа адбылася гэтая аварыя? Раніцай, каля 7 гадзін абодва аўтамабілі везлі сваіх гаспадароў на парцу - БМВ у раён мясакамбіната, а Міцубісі акрамя гаспадара вёз яшчэ і двух жанчын пасажырак у Александрыю. Поводле расказаў розных сведкаў здарэння, на Шклоўскай БВМ абагнаў іншы аўтамабіль і пад час абгону абдаў машыну мокрым снегам. Снег заляпіў шкло і бакавое і лабавое, пакуль з гэтым снегам справіліся шчоткі-двронікі ўвага кіроўцы была рассеяна і машына выехала на сустрэчную паласу пасля чаго ўсё і дабылося.
У аварыі сур'ёзна пацярпела жанчына, якая сядзела ў міцубісі на пярэднім пасажырскім месцы - у яе моцная чэрапна-мазгавая траўма і па стане на 22 лютага яна ўсё яшчэ знаходзілася ў рэанімацыі.
