Пра гэта паведамляе афіцыйны "Інфармацыйны гарадскі партал". Праўда, гэта не будзе адна з цэнтральных вуліцаў сталіцы. Імя славутага княскага роду атрымае новая вуліца ў мікрараёне Міхайлава-2. У рашэнні гарадскога Савету дэпутатаў гаворыцца, што праектуемая сёння вуліца №2 ад вуліцы Янкі Брыля да праектуемай вуліцы №4 будзе названа ў гонар Канстанціна Іванавіча Астрожскага (славутага гетмана) і яго сына Канстанціна-Васілія Канстанцінавіча Астрожскага.
Канешне, такое рашэнне прынята не выпадкова, у гэтым годзе адзначаецца 500 год з дня перамогі ў Бітве пад Оршай.
