Орша, Здарэнні

Асуджаны за падробку даведак

08.04.2017 17:11

4045 праглядаў, 0 каментароў

Аршанец падрабляў даведкі, каб не служыць у войску.

Жыхар Оршы, па прафесіі кіраўнік тэатра мініяцюраў, двойчы пазбягаў прызыву на ваенную службу дзякуючы падробным даведкам пра навучанне сваёй сястры. Ён заставаўся адзіным адказным за непрацаздольных бацькоў, а сястра паводле першай даведкі вучылася ў ліцэі тэкстыльшчыкаў, а затым у механіка-эканамічным каледжы. У ваенкамаце нічога дзіўнага не западозрылі, з-за чаго артыст вырашыў, што падобны ўчынак дапаможа яму і ў трэці раз атрымаць адтэрміноўку службы. 24-гадовы мужчына зноў падрабіў даведку і прынёс у ваенкамат, на гэты раз у яе сапраўднасці там засумняваліся. Частка 2 артыкулу 435 Крымінальнага кодэксу Рэспублікі Беларусь "Ухіленне ад прызыву на ваенную службу шляхам падробкі дакументаў". Артыст атрымаў 2 гады абмежавання волі без накіравання ў папраўчую ўстанову.