Орша, Спорт

Серыя працягнецца

18.05.2017 13:39

1934 прагляду, 1 каментар

Аршанскі "Вітэн" у другім чвэрцьфінальным матчы выйграў у "Лідсельмаша".

Працягваецца серыя 1/4 фіналу чэмпіянату Беларусі па міні-футболе. Аршанскі "Вітэн" у другім матчы з "Лідсельмашам" рэваншаваўся за пройгрыш у першай гульні. "Чырвона-чорныя" выйшлі на пляцоўку з цвёрдай рашучасцю забіць хутка і граматна згуляць у абароне. І ўжо на 6-й хвіліне адзін з асноўных бамбардзіраў "Вітэна" Падалінскі адкрыў лік у матчы. Лік пратрымаўся да перапынку. А ўжо ў другім тайме са старту аршанцы абрынуліся на браму "Лідсельмаша" зноў. Праз 37 секундаў пасля пачатку другой паловы Вяршынін падвоіў лік. На 28-й хвіліне Гусакоў падкрэсліў перавагу аршанцаў. На 31-й Клачко адыграў адзін мяч, а Жыгалка на 36-й, як і ў Лідзе, паразіў браму аршанцаў. "Лідсельмаш" паверыў ва ўласныя сілы і пайшоў у атаку, зняў брамніка, за што і паплаціўся. На 37-й хвіліне Гусакоў скарыстаўся памылкай абароны і трапна стрэліў у пустую лідскую браму - 4:2. Гол Камекі на 38-й зноў даў шанец гасцям, але аршанцы больш не прапусцілі. Перамога 4:3, і ўсё вырашыцца ў заключным матчы серыі. Пакуль лік 1-1. Серыя ідзе да 2-х перамог.