Праваслаўная царква каля аршанскага вакзалу ў свой час была самым арыгінальным месцам малітваў, бо была адкрыта ў чыгуначным вагоне. За гады існавання прывакзальны прыход змог абшыць царкву дрэвам, надбудаваць над вагоньчыкам традыцыйны купал-цыбуліну, а побач з вагоньчакам (які перашапачаткова разглядаўся як часовае месца службаў) пачаў будавацца паўнавартасны цагляны храм. Але ў гэтым годзе ў царкве-вагоне адбыўся пажар, які пашкодзіў купал і ўнутраную аддзелку чыгуначнага храма. Рамантаваць арыгінальную царкву не сталі. І праз колькі часу пасля пажару яе разабралі. Цяпер паўнавартасныя службы ў прывакзальным раёне адновяцца пасля сканчэння будаўніцтва цаглянага храму.
Царква паўстала ў гэтым месцы не проста так. Да рэвалюцыі каля вакзалу таксама быў свой храм, праўда, знаходзіўся ён на месцы сёняшняй крамы "Чыгуначнік". Падчас змагання камуністаў з рэлігіяй, храм быў знішчаны, а дом святара пасля вайны перададзены пад музей Заслонава, які быў разбраны ў 2016 годзе.
На фота: храм пасля пажару
На фота: разбіраюць апошнія рэшткі храма
