У склад аргкамітэту канчаткова ўвайшлі доктар гістарычных навук Леанід Лыч, доктар гістарычных навук Аляксандр Краўцэвіч, мастак Мікола Купава, доктар гістарычных навук Юрась Бохан, доктар гістарычных навук Міхась Гурын, палітолаг Алесь Жучкоў, старшыня Партыі БНФ Аляксей Янукевіч, першы намесьнік старшыні Руху “За Свабоду” Юрась Губарэвіч, бард Андрэй Мельнікаў, сябра Рады ЗБС “Бацькаўшчына” Валеры Герасімаў, пісьменнік Усевалад Сцебурака, пратаіярэй Мінскай царкоўнай акругі Беларускай аўтакефальнай праваслаўнай царквы Леанід Акаловіч. Старшынём аргкамітэту стаў доктар гістарычных навук Анатоль Грыцкевіч. Пры гэтым, спіс не з'яўляецца закрытым і ахвотныя могуць да яго далучыцца ў любы момант.
Акрамя таго, аргкамітэт абвесціў некаторыя мерапрыемствы, падрыхтоўка да якіх распачалася ўжо зараз. Сярод мерапрыемстваў: міжнародная навуковая канферэнцыя, нацыянальная выстава саюза мастакоў і непасрэднае святкаванне, якое паспрабуюць арганізаваць на Крапівенскім полі каля вёскі Гацькаўшчына. Шмат мерапрыемстваў будуць арганізаваныя супольна з аргакамітэтамі Літвы і Польшы на тэрыторыі гэтых краінаў. Таксама пад эгідай камітэту будзе распрацаваная і наладжаны выпуск сувенірнай прадукцыі, юбілейныя друкаваныя выданні, паштоўкі, плакаты, календары ды інш.
Па пытанні супрацоўніцтва з уладамі, аргкамітэт падрыхтаваў шэраг лістоў з прапановамі. У прыватнасці лісты падрыхтаваныя да Аршанскага райвыканкаму з прапановай увекавечыць імёны Івана Сапегі, Юрыя Радзівіла і Канстанціна Астрожскага ў гарадской тапаніміцы і паставіць помнік Астрожскаму. У Мінску будзе прапанавана перайменаваць вайсковую вучэльню імя Суворава ў Мінскі вайсковы каледж імя Канстанціна Астрожскага. А міністэрству абароны і ўраду заснаваць Ордэн імя Канстанціна Астрожскага.
