Першы раз пра праблемы з законам у "Мотар Січ" стала вядома 20 ліпеня, калі на галоўным заводзе камапніі ў Запарожжы і офісах "Мотар Банка" прайшлі вобшукі. Пазней пра крымінальную справу супраць кампаніі і яе ўладальніка Вячаслава Багуслаева сказаў генеральны пракурор Украіны Юрый Луцэнка. На адной з нарадаў Луцэнка сказаў, што зараз заведзена некалькі такіх справаў, адну з іх раследуе служба бяспекі Украіны (спецслужба). Наколькі стала вядома украінскім журналістам, пытанне звязана з тым як Багуслаеў атрымаў акцыі прадпрыемства. "Мотар Січ" — прадпрыемства абароннага комплексу, і па законе Украіны пры набыцці акцыяў такіх прадпрыемстваў павінна быць згода адпаведнай дзяржаўнай установы.
Падобна на тое, што згоду на набыццё 60% акцыяў прадпрыемства Багуслаеў не атрымліваў і з-за гэтага, патэнцыйна, можа страціць кантрольны пакет акцыяў.
