Крама пра якую ідзе гаворка за кошт свайго месцазнаходжання на прывакзальнай плошчы, напэўна, адна з самых знакамітых гандлёвых кропак Оршы. Для многіх прыязжаючых і праязжаючых гасцей горада менавіта з яе пачынаецца знаёмства з аршанскім сэрвісам. Але крама выглядала даволі не прэзентабельна - унутры было даволі цесна, многія камеры захоўвання былі паламаныя, на касах (з двух касаў зачастую працавала толькі адна) ствараліся вялікія чэргі.

На некаторы час крама закрылася на рэканструкцыю і 29 жніўня "Чыгуначнік" зноў адкрыў свае дзверы для пакупнікоў. Што ж там памянялася? Па-першая крама згубіла сваю запамінальную назву - больш шыльды "Чыгуначнік" на ёй няма, цяпер гэта крама №127. Вялікі плюс ад рэканструкцыі - павялічылася гандлёвая плошча крамы. Хаця знешне крама не павялічылася, але за кошт больш эфектыўнаг выкарыстання ўнутраных плошчаў цяпер у краме не так цесна. Навінкамі радуе і асартымент крамы - да ранейшага набору харчоў і прамтавараў дадаліся паўфабрыкаты і розны нарэзкі, якія вырабляюцца ДорОРСам. З сумніўных зменаў - перад крамай цяпер зроблена дадатковая паркоўка, цяпер на аўтамабіле пад'язжаць да крамы зручней, але для пешаходаў на прывакзальнай плошчы месца стала яшчэ меньш. А рэкламнае табло ,якое вісіць перад уваходам у краму №127 абяццае знішкі на тавар па картцы лаяльнасці ОРСа.

І хаця ў краме адбыліся значныя перамены, многія з якіх аб'ектыўна палепшылі гандлёвы аб'ект, на наступны дзень пасля адкрыцця крамы, каля 11 раніцы ў былым "Чыгуначніку" зноў працавала толькі адна каса, што прывяло да стварэння даволі вялікай чаргі.