Дыскусія на тэму "Масавыя рэпрэсіі і смяротнае пакаранне" пройдзе 6 кастрычніка ў вёсцы Стаўры на аграсядзібе "Пуцяціна". Валанцёры розных грамадскіх арганізацый на працягу лета збіралі новыя матэр'ялы пра сталінскія рэпрэсіі на Аршаншчыне. Сваю працу яны прэзентуюць у гэтую пятніцу пад час правядзення дыскусіі, у якой прымуць удзел як аршанцы, так і эксперты з Мінску ды Віцебску.
Пачатак а 18-00, але тыя хто прыедуць раней змогуць разгледзець адмысловую выставу, якія прадэмантруе як карціны на тэму смяротнага пакарання, так і газетныя выразкі ды іншыя экспанаты якія тычацца рэпрэсіяў.
Пасля дыскусіі будзе прэзентаваны новы дакументальны фільм аршанскага рэжысёра Віктара Траццякова "Гісторыя смяротнага пакарання ў Беларусі".
Мерапрыемства пройдзе ў рамках "Тыдня супраць смяротнага пакарання" ў Беларусі.
