У гэтым годзе спаўняецца 80 гадоў з жудаснай ночы з 29 на 30 кастрычніка 1937 года. У гэтую ноч у сутарэннях турмы НКУС былі расстраляныя больш за 100 дзеячоў беларускай культуры і навукоўцаў Беларусі. З гэтай нагоды ініцыятыва "Арт Сядзіба" распачала онлайн акцыю "ланцуг памяці". Сутнасць акцыі ў тым каб людзі чыталі вершы растраляных у тую ноч паэтаў. Пры гэтым чалавек можа "перадаць эстафету" іншаму, які таксама павінен запісаць свой ролік з іншым вершам.
Далучыўся да акцыі і музыка з Барані, вакаліст гурта "Лепшы квас" Уладзіслаў Лепяшынскі. Для сябе ён выбраў верш растаралянага Міхася Чарота "На могілках", але не зачытаў яго, а заспяваў на напісаную спецыяльна для гэтага мелодыю.
Міхась Чарот быў арыштаваны ў 41-гадовым узросце 24 студзеня 1937 года. Быў фальшыва абвінавачаны ва ўдзеле ў контррэвалюцыйнай арганізацыі і пасля доўгіх пытак прызнаў сваю вінаватасць. Апошні свой верш, як раз пра ўласную невінаватасць, ён напісаў на сцяне сваёй камеры. Верш пазней цудам пабачыў свет. Чарот быў асуджаны тройкай да растрэлу і канфіскацыі маёмасці. Уся яго сям'я была таксама асуджана.
