Орша, Здарэнні

Няўдалы крадзёж

16.11.2017 12:00

3731 прагляд, 0 каментароў

Невядомыя спрабавалі ўзламаць банкамат у краме

Спроба крадзяжу адбылася 12 лістапада, калі крама РайПО (па нашай інфармацыі, у раёне Рэм.завода) ўжо не працавала. Злачынцы даволі някепска падрыхтаваліся. Яны не проста залезлі ў краму, але змаглі адключыць сігналізацыю, а ад камераў відэаназірання іх ратавалі адмыслова апранутыя маскі. Адбіткі пальцаў злачынцы таксама не пакінулі - працавалі ў пальчатках. Злачынцаў цікавілі не тавары крамы т не каса, а грошы ў банкамаце, які знаходзіўся ў памяшканні. Проста на месцы яны ўскрылі банкамат, але далей нешта пайшло не так. Афіцыйны прадстаўнік Следчага камітэта Святлана Сахарава паведаміла нам, што хаця злачынцы і змаглі ўзламаць банкамат, грошы не ўзялі. Таму крымінальная справа заведзена не за крадзёж, а па артыкуле "пакушэнне на крадзёж у асабліва буйным памеры". Пры ўсёй такой падрыхтоўцы, з месца злачынства невядомыя сыйшлі з пустымі рукамі. Але пакуль і міліцыя не змагла іх знайсці.