Ікона лічыцца апякункай Куцеінскага манастыра, бо менавіта пры яго заснаванні яна цудам з'явілася ў 1631 годзе.
Копія іконы знаходзілася ў жаночым Куцеінскім манастыры і 18 верасня напачатку 20-га стагоддзя да яе прыходзілі тысячы паломнікаў з усіх куткоў Беларусі і многіх рэгіёнаў Расіі.
У 19 стагоддзі святкаванне сумяшчалі з днём памяці пакутніка Афанасія Брэсцкага. Паводле падання аднойчы з Аршанскай іконы сыйшла Маці Божая і дала афанасію рэкамендацыі пра далейшае служэнне, а таксама прадказала яму пакутніцкую смерць.
