Помнік архітэктуры былы Базылянскі манастыр шмат год выклікаў заклапочанасць краязнаўцаў. Некалькі год запар каштоўны будынак зімаваў без даху, а гэта вельмі шкодна ўплывае на будынак. Снег растайвае, вада патрапляе ў шчыліны цэглы, а пры наступным замярзанні разбурае яе. Тое самае адбываецца і пры незачыненых вокнах.
Дзяржава, разбурыўшы дах, перадала помнік праваслаўнай царкве, якая доўгі час не магла не тое, што адрэстаўраваць, але і проста закансэрваваць будынак. Нарэшце, ў зіму 2017-2018 Базылянскі манастыр уваходзіць закансерваваным, што дае надзею на тое, што гэтая зіма для сценаў будынку не прынясе шкоды. Над былым Базылянскім манастыром сёння ёсць часовы дах, закалочаны ўсе вокны.
