Ужо даўно, у прыватнасці, Аршанскі ільнокамбінат выплочвае некаторым работнікам заробак уласнай прадукцыяй. Нядаўна мы пісалі пра тое, што і на мясакамбінаце людзі атрымоўваюць долю заробкаў "натурай". Жыхарка Оршы, якая назвалася Ірынай, у праграме "Открытый разговор" на "Сталічным тэлебачанні" закранула гэтую тэму і задала адпаведнае пытанне:
"Працую на прадпрыемстве лёгкай прамысловасці, частка зарплаты выплачваюць таварамі. Выдаюць ручнікі, абрусы, прасціны. А яны мне не патрэбныя. Што рабіць?"
На пытанне аршанкі адказваў Кірыл Азаранка, галоўны прававы інспектар працы Менскай абласной прафсаюзнай арганізацыі работнікаў аграпрамысловага комплексу:
Замена заработнай платы не можа ажыццяўляцца без згоды з натуральнай аплатай. У дадзеным выпадку, працаўніца павінна сказаць, што яна не хоча атрымліваць натуральнай прадукцыяй заработную плату. І наймальнік не мае права прымусіць яе.
Вядучая СТБ Ілона Валынец удакладніла "ўмовы" ў госця:
Калі гэта — камбінат, завод. Ўсім так плацяць і мне так плацяць...
Кірыл Азаранка:
Лагічнае пытанне. Але, калі чалавек задумаўся, што ён хоча абараніць сябе, то, у дадзеным выпадку, калі ён ужо прыняў гэтае рашэнне, трэба выкарыстоўваць усе магчымасці для абароны сваіх інтарэсаў. Калі ён не хоча абараняць інтарэсы, наступны крок будзе з боку наймальніка — абмежаваць яго яшчэ ў якім-небудзь працоўным праве.
