У пачатку сакавіка ўрад прыняў рашэнне пра чарговыя датацыі для праблематычных прадпрыемстваў Віцебскай вобласці. Пастановай прадугледжана выдзяленне грошай з буджэту для сямі прадпрыемстваў. Сярод іх і Аршанскі мясакансервавы камбінат. Калі статыстыкі па адкрытых акцыянерных прадпрыемствах былі даступныя (2016-2017 гады), то яна паказвала вельмі кепскія лічбы па даходах мясакамбінату - ён працаваў у страты. Падобна, што і зараз на мясакамбінаце справа не ідэяльныя - іначай датацыі не спратрэбіліся б.
У пастанове пералічваецца 10 крэдытаў па якіх мясакамбінат не можа выплаціць працэнты. Для выплаты працэнтаў, ОМКК атрымае каля 9,5 мільёнаў даляраў у беларускіх рублях - 30.500.000 беларускіх рублёў.
