Орша, Культура

Дзед Мароз у Копысі

14.12.2017 16:28

5414 праглядаў, 0 каментароў

Сёлета ў Копысі з'явіцца свая рэзідэнцыя Дзеда Мароза.

Зараз не абавязкова ехаць за шмат кіламетраў, каб убачыць Дзеда Мароза і Снягурку. Сёлета ў навагодніх персанажаў з'явіцца свая рэзідэнцыя і недалёка ад Оршы. Галоўныя героі навагодніх святаў паселяцца копыскім дэндрары. Наведацца да іх у госці можна будзе ўжо з 20 снежня. Кошт квітка - усяго 1 рубель. Вядома ж, "свой" Дзед Мароз не можа не стаць папулярным у дзяцей і бацькоў нашага рэгіёну, але канкурэнцыя ў дадзеным пытанні даволі сур'ёзная: не так далёка знаходзяцца магілёўскі Дзед Мароз - у заасадзе комплексу Буйнічы і віцебскі - у аздараўленчым лагеры "Спартаковец". Але ў сезон святаў на аршанскі рынак больш прыкметна выходзіць самы папулярны дзядуля з рэзідэнцыяй у Белавежскай пушчы - там ён жыве круглы год, а не толькі ў святы. Усяго ў Беларусі розных навагодніх Дзядоў з магчымасцямі турыстычнага наведвання не менш за адзінаццаць.