Два пажары адбыліся напярэдадні на Аршаншчыне і Дубровеншчыне. 18-га лютага ў 2:45 ратавальнікі атрымалі выклік з дома па вуліцы Савецкай у Асінторфе. У кватэры, на якую паступіў выклік, назіралася моцнае задымленне. Звяно газадымаабароннай службы зайшло ў кватэру і вынесла адтуль дзвюх пенсіянерак. На свежым паветры іх перадалі дзеля агляду брыгадзе хуткай дапамогі. Пасля агляду жанчыны адмовіліся ад шпіталізацыі. Пажар у кватэры быў лакалізаваны, а затым ліквідаваны супрацоўнікамі МНС.
Агонь пашкодзіў пасцельныя прыналежнасці, дыван і пакрыццё падлогі ў жылых пакоях. Дакладная прычына пажару яшчэ ўсталёўваецца, у якасці галоўнай версіі разглядаецца неасцярожнасць гаспадыні пры паленні.
Таксама 18-га лютага, але ўжо ўвечары, у 19:30 пажарныя атрымалі сігнал з вуліцы 1 Жніўня. Там адбыўся пажар у аўтамабілі, які належыць грамадзяніну 1987 года нараджэння. Агнём пашкоджана лакафарбавае пакрыццё капоту. Прычына пажару ўсталёўваецца.
