Трагедыя здарылася напярэдадні ў Руміне, там у доме згарэў мужчына. Ягоная маці атрымала апёкі 35% цела і была тэрмінова дастаўленая ў шпіталь. На жаль, шкода здароўю была прынесеная вялікая, і 93-гадовая пенсіянерка не вытрымала такіх выпрабаванняў. Яна памерла ў бальніцы. Адзін пажар забраў два жыцці.
Яшчэ адзін пажар напярэдадні здарыўся на вуліцы Чкалава ў вёсцы Зубкі Лёзненскага раёну. Там загарэўся дом 4х12 метраў, які належыць гаспадыні 1961 года нараджэння. Сцены, маёмасць, дах і столь - усё было пашкоджана агнём. На месцы пажару знойдзены труп мужчыны 1962 года нараджэння. Прычына пажару высвятляецца.
