Здарэнне, пра якое піша "Камсамольская праўда ў Беларусі", рэальна, не звычайнае. Мала таго, што воры вырашылі не проста скрасці зерне, а прама на месцы крадзяжу змалоць сабе мукі, дык яшчэ і затрымала іх не міліцыя, а намесніца дырэктара прадпрыемства разам са сваім мужам. А тое як адбывалася затрыманне нагадвае кіно: пагоня пешая і аўтамабільная, манеўры, язда па бездарожжы і г.д.

Трое мужчынаў, двое з іх супрацоўнікі Сененскага райаграсэрвісу позднім вечарам пайшлі на "справу". Адзін з іх быў за стырном грузавіка на якім і планавалася звесці накрадзенае. У час калі ўжо не працавала прадпрыемства, яны пад'ехалі да мясцовага комплексу, зрэзалі навясныя замкі, уключылі святло і пачалі працаваць. Ае воры не проста кралі зерне - яны на месцы малолі з яго муку і потым мяшкамі грузілі на аўтамабіль.

У час іх працы нехта пазваніў намесніцы начальніка райаграсэрвіса Наталлі Пракаповіч, якая вырашыла праверыць інфармацыю. Разам з мужам яны селі ў асабісты аўтамабіль і паехалі туды. Пакуль сямейная пара даехала да комплексу, воры ўжо пагрузіліся, павесілі свае замкі на дзверы (напэўна, планавалі вярнуцца яшчэ раз) і пачалі ад'язжаць. Муж і жонка пачалі іх пераслед. Грузавік спрабаваў адарвацца, пятляў, хаваўся, але ў выніку з'ехаў у поле і тады па полі трое вароў кінуліся на ўцёку бягом.

Праз некаторы час адумаўся кіроўца - яго ўсё адно знайшлі б па нумарах машыны.

Пад'ехаўшая міліцыя (яе выклікалі падчас пагоні) хутка знайшла і двух другіх. А ў машыне было каля паўтары тоны зерня і мукі.

Пра здарэнне ўзгадалі зараз у сувязі з тым, што нядаўна Наталлю Пракаповіч міліцыянты ўзнагародзілі за грамадзянскую мужнасць.