Праграма, якую ў народзе з падачы прэзідэнта празвалі "З руінаў і попелу" пісала з вясны 2017 года і была прынята 11 снежня мінулага года. Афіцыйна яна называецца "Праграма сацыяльна-эканамічнага развіцця Аршанскага раёна на перыд да 2020 года". На гэты раз праграму абмеркавалі на ўзроўні прэзідыюма ўрада.
Афіцыйна пра абмеркаванне праграмы паведаміла дзяржаўная інфармацыйная агенцыя БелТА. Цікава адзначыць, шт очым далей пішуць пра гэтую праграму дзяржаўныя СМІ, тым больш сціпла яе апісваюць. Калі раней гаварылася, што Орша павінна стаць зонай апераджальнага развіцця на ўсю краіну, што на Оршу будуць раўняцца іншыя гарады, то на гэты раз задача "да 2020 года выйсці на паказальнікі вышэй за сярэднія па Віцебскай вобласці". Дзяўна, што праграму якую прынялі літаральна два з паловай месяцы таму ўжо ацэньвалі на прадмет таго як яна працуе. І, канешне, чыноўнікі заўважылі пазітыў. Так, па дадзеных якія былі агучаны на паседжанні, узровень вытворчасці прамысловай прадукцыі вырас у рэгіёне да 102%, сельскагаспадарчай да 107,6%, экспарт тавараў да 105,2%, рэальны заробак вырас да 105,6% і г.д.
У хуткім часе на нашым сайце чытайце прынятую праграму ў скарочаным выглядзе.
